టైం బాగోకపోతే.. ప్రపంచ కుబేరుడు కూడా కష్టాలు తప్పవు

టెస్లా తన వాహనాల ధర గురించి తప్పుదారి పట్టించే వాదనలు చేసింది.. తక్కువ ఉష్ణోగ్రతలో ఎలక్ట్రిక్ కార్ల రేంజ్ తగ్గిపోతుందని కంపెనీ కస్టమర్ల వద్ద దాచి పెట్టింది.. ఇదే ఇప్పుడు టెస్లా పై దక్షిణ కొరియా జరిమానా విధించేందుకు కారణమైందా..?

ప్రపంచ కుబేరుడు ఎలోన్ మస్క్ టైమ్ ఈ మధ్య అంత బాగా లేనట్లుగా ఉంది.. ట్విట్టర్ కొనుగోలు వ్యవహారం మొదలైనప్పటి నుంచి మస్క్ చాలా సమస్యలను ఎదుర్కొంటున్నాడు.. ట్విట్టర్ కొనుగోలు వ్యవహారమే కొన్నాళ్ల పాటు నడిచినప్పటికీ.. ఎట్టకేలకు మస్క్ కొనుగోలు చేయడం జరిగింది.. అప్పటి నుంచి మస్క్ సంపద రోజురోజుకు భారీగా పడిపోతుంది.. ఇప్పటికే మస్క్ కు చెందిన సంపద చాలా వరకు ఆవిరవగా.. తాజాగా.. మస్క్ కు చెందిన ఎలక్ట్రిక్ కార్ కంపెనీ టెస్లాపై దక్షిణ కొరియా $2.2 మిలియన్ డాలర్ల జరిమానా విధించింది.

దక్షిణ కొరియాకు చెందిన యాంటీట్రస్ట్ రెగ్యులేటర్ కొరియా ఫెయిర్ ట్రేడ్ కమీషన్ టెస్లా తన వాహనాల ధర గురించి తప్పుదారి పట్టించే వాదనలు చేసింది. తక్కువ ఉష్ణోగ్రతలో ఎలక్ట్రిక్ కార్ల రేంజ్ తగ్గిపోతుందని కంపెనీ కస్టమర్ల నుండి దాచిపెట్టింది. మీడియా నివేదికల ప్రకారం..టెస్లా తన కార్ల సామర్థ్యం గురించి అతిశయోక్తి వాదనలు చేసింది. వీటిలో, పెట్రోల్-డీజిల్ కార్లతో పోల్చితే ఇంధనాన్ని ఆదా చేయడం, ఒకే ఛార్జ్‌పై డ్రైవింగ్ రేంజ్ గురించి వాదనలు జరిగాయి.

భారత్‌ లో ప్లాంట్‌ను నెలకొల్పాల్సిందిగా కంపెనీ సీఈవో ఎలాన్ మస్క్‌ను భారత ప్రభుత్వం ఆహ్వానించింది, అయితే మస్క్ నిరాకరించాడు.. అతను మొదట దిగుమతి చేసుకున్న కార్లను ఇక్కడ విక్రయించాలనుకున్నాడు. అయితే దీని కోసం వారు దిగుమతి సుంకాన్ని తగ్గించాలని డిమాండ్ చేశారు. చల్లని వాతావరణంలో టెస్లా కార్ల రేంజ్ 50 శాతానికి పైగా తగ్గుతుందని KFTC తెలిపింది. టెస్లా తన వెబ్‌సైట్‌లో శీతాకాలపు డ్రైవింగ్ చిట్కాల గురించి సమాచారాన్ని అందించింది. కానీ చలిలో అతని వాహనాల రేంజ్ తగ్గిపోతుందని చెప్పలేదు.

2021లో దక్షిణాఫ్రికాలోని ఒక వినియోగదారు సమూహం చలిలో చాలా EVల డ్రైవింగ్ పరిధి 40 శాతం తగ్గిందని చెప్పింది. అందులో టెస్లా పనితీరు దారుణంగా ఉందని తెలిపింది. గతేడాది జర్మనీకి చెందిన కారుకు కూడా జరిమానా విధించారు. గతేడాది జర్మన్ కార్ల తయారీ సంస్థ మెర్సిడెస్-బెంజ్ యొక్క స్థానిక యూనిట్‌పై KFTC వోన్ 20.2 బిలియన్ల పెనాల్టీని విధించింది.ఎలోన్ మస్క్ ఓ సంచలన విషయాన్ని బహిర్గతం చేశారు. 2.5 లక్షల ట్విట్టర్ ఖాతాలను నిలిపివేయాలని అమెరికా ప్రభుత్వం కోరిందని ఆయన ట్వీట్ చేశారు.

జర్నలిస్టులు , కెనడియన్అధికారులతో సహా 2.5 లక్షల ఖాతాలను సస్పెండ్ చేయాలని ప్రభుత్వ సంస్థ డిమాండ్ చేసిందని మస్క్ తన ట్వీట్‌లో తెలిపారు. ఈ ఖాతాలు జర్నలిస్టులు, కెనడా అధికారులకు చెందినవి. జర్నలిస్ట్ మాట్ టాబీ పబ్లిక్ చేసిన ట్విట్టర్ ఫైల్‌లలో మస్క్ ఈ విషయాన్ని వెల్లడించారు. నివేదిక ప్రకారం..జర్నలిస్ట్ మ్యాటీ టాబీ ట్విట్టర్‌లో రష్యా జోక్యాన్ని తగ్గించాలని , యుఎస్ కాంగ్రెస్‌తో కలిసి పనిచేయాలని ట్విట్టర్‌లో యుఎస్ ప్రభుత్వం యొక్క పెరుగుతున్న ఒత్తిడిని వెల్లడించారు. అమెరికా ప్రభుత్వం ఒత్తిడితో ట్విట్టర్ దాదాపు 2.5 లక్షల ఖాతాలను మూసివేసిందని టాబీ తన ట్వీట్‌లో తెలిపారు. వీటిలో జర్నలిస్టులకు సంబంధించిన ఖాతాలు ఉన్నాయి. ఇక.. భారత్‌ లో 48,624 ఖాతాలపై వేటు పడింది..

అక్టోబర్ 26, నవంబర్ 25 మధ్య దేశంలో పిల్లల లైంగిక వేధింపులు, అశ్లీల చిత్రాలను ప్రోత్సహించే 45,589 ఖాతాలను ట్విట్టర్ నిషేధించింది. అదే సమయంలో ఉగ్రవాదాన్ని ప్రోత్సహిస్తున్న 3,035 ఖాతాలను కూడా తొలగించింది. మొత్తం మీద..ట్విట్టర్ రిపోర్టింగ్ వ్యవధిలో భారతదేశంలో 48,624 ఖాతాలను నిషేధించింది. కొత్త ఐటి నిబంధనల ప్రకారం.. ట్విట్టర్ తన 2021 సంవత్సరానికి సంబంధించిన నెలవారీ సమ్మతి నివేదికలో భారతదేశంలోని వినియోగదారుల నుండి ఒకే సమయంలో 755 ఫిర్యాదులను స్వీకరించిందని.. 121 URLలపై చర్య తీసుకున్నట్లు పేర్కొంది.

ప్రపంచంలోనే ఖరీదైన ఎలక్ట్రిక్‌ కార్ల కంపెనీ టెస్లా షేర్లు రెండేళ్ల కనిష్ట స్థాయి పడిపోయాయి. దీంతో, ఆ కంపెనీ సీఈవో , ప్రపంచంలో అత్యంత సంపన్న వ్యక్తి ఎలాన్ మస్క్ భారీగా నష్టపోయారు. టెస్లా షేర్లు ఇప్పటివరకు సగానికి పైగా, 58 శాతం మేర క్షీణించాయి. దీనివల్లే మస్క్‌ సంపద వేగంగా ఆవిరవుతోంది. టెస్లాలో మస్క్‌కు 15 శాతం వాటా ఉంది.ఈ ఏడాదిలో ఇప్పటి వరకు 100 బిలియన్‌ డాలర్ల నికర విలువను మస్క్‌ కోల్పోయారు. బ్లూమ్‌బెర్గ్ వెల్త్ ఇండెక్స్‌లో ఈ బిలియనీర్ సంపద అత్యంత భారీగా క్షీణించింది. ఏడాది క్రితం ఎలాన్‌ మస్క్‌ సంపద 340 బిలియన్‌ డాలర్లకు చేరుకుంది. ప్రస్తుతం దాదాపు 170 బిలియన్‌ డాలర్లుగా ఉంది. అంటే, ఏడాది వ్యవధిలోనే సగానికి సగం సంపద హరించుకుపోయింది.

బిలియనీర్స్ ఇండెక్స్ ప్రకారం, టెస్లా సీఈవో ఎలాన్ మస్క్ సంపద 2022లో 37% లేదా $101 బిలియన్లకు పైగా తగ్గింది… ఇప్పటివరకు ఆయన రోజుకు దాదాపు 2,500 కోట్ల రూపాయల నష్టాన్ని భరిస్తున్నారు. ట్విట్టర్‌ కొనుగోలుకు ముందు నుంచే ఎలాన్ మస్క్ చాలా సవాళ్లను ఎదుర్కొంటున్నారు. ముఖ్యంగా, టెస్లా కార్లు చికాకు పెడుతున్నాయి. టెయిల్‌ లైట్లను వెలిగించడంలో అడపాదడపా వస్తున్న సమస్యల కారణంగా, అమెరికాలో 3,21,000 టెస్లా కార్లను కంపెనీ వెనక్కి పిలిపించుకుంది.

ముందు సీటు ఎయిర్‌బ్యాగ్‌లో ఏర్పాటులో లోపాన్ని సవరించడానికి మరో 30,000 మోడల్‌ X కార్లను రీకాల్‌ చేసిందన్న వార్త బయటకు వచ్చింది. దీంతో, టెస్లా కంపెనీ షేరు 3 శాతం నష్టపోయి రెండేళ్ల కనిష్టానికి చేరి, గత లాభాలన్నింటినీ తుడిచి పెట్టేశాయి. గతేడాది ప్రారంభం నుంచీ రిస్క్-ఆఫ్ మార్కెట్ ట్రెండ్‌లో చిక్కుకున్న ఈ కంపెనీ, ఇబ్బందులు ఎదుర్కొంటూనే ఉంది.టెస్లా కార్లకు అమెరికా తర్వాత అతి పెద్ద మార్కెట్‌ చైనా. అక్కడి ప్రభుత్వం అమలు చేసిన జీరో కొవిడ్‌ విధానంతో వ్యాపారం తీవ్రంగా దెబ్బతింది. వివిధ సాంకేతిక కారణాలతో ఇటీవలే అక్కడి మార్కెట్‌ నుంచీ 3 లక్షలకు పైగా కార్లను కంపెనీ రీకాల్‌ చేసింది. ఇది కూడా షేర్‌ ధరను దెబ్బకొట్టింది. తాజాగా దక్షిణ కొరియా ప్రభుత్వం టెస్లా కంపెనీకి $2.2 మిలియన్ డాలర్ల జరిమానా విధించింది. గత కొంతకాలంగా ఎదుర్కొంటున్న సమస్యలు, జరిమానాలతో ఎలాన్ మస్క్ సంపదను కోల్పోతున్నాడు..