బాలీవుడ్ లో అన్ని రకాల ఆడియన్స్ ఉంటారు. అయితే అక్కడ హారర్ సినిమాలను ఎంజాయ్ చేసే వారి సంఖ్య ఎక్కువ. అది కనిపెట్టిన ప్రియదర్శన్ భూల్ భూలయా అనే సినిమా తెరకెక్కించారు. 2007లో వచ్చిన ఈ సినిమా బీ టౌన్ ఆడియన్స్ కు ఒక మంచి హారర్ ఎక్స్ పీరియన్స్ ఇవ్వడంతో సినిమాను సూపర్ హిట్ చేశారు. ఆ తర్వాత సీక్వెల్ గా భూల్ భూలయా 2 సినిమా తీశారు. ఈ సినిమా కూడా హిట్ అయింది. సీన్ కట్ చేస్తే…ఇప్పుడు పార్ట్ 3 కూడా రెడీ అవుతున్నట్లు వార్తలు వినిపిస్తున్నాయి.
అక్షయ్ కుమార్, విద్యా బాలన్ లీడ్ రోల్స్ లో నటించిన భూల్ భూలయా మూవీ అప్పట్లో సూపర్ హిట్ గా నిలిచింది. 2007లో ఈ సినిమా రిలీజైన సంగతి తెలిసిందే. ఈ సినిమాకు సీక్వెల్ గా భూల్ భూలయా 2 సినిమా తీశారు. 2022లో వచ్చిన ఈ సీక్వెల్ మూవీ సూపర్ హిట్ గా నిలిచింది. భూల్ భూలయా 2 సినిమాలో కార్తీక్ ఆర్యన్ హీరోగా నటించగా కియరా అద్వాని, టబు నటించారు.
ఈ రెండు పార్ట్స్ కూడా సూపర్ హిట్ అవడంతో భూల్ భూలయా 3 కి రెడీ అవుతున్నారు మేకర్స్. ఈ సినిమాకు ఒక అద్భుతమైన యూనిక్ స్టోరీ కుదిరిందని అన్నారు దర్శక నిర్మాతలు. త్వరలోనే ఈ సినిమా రెగ్యులర్ షూటింగ్ ప్రారంభం కానుందని తెలుస్తోంది. సెకండ్ పార్ట్ లో లాగానే భూల్ భూలయా 3లో కూడా కార్తీక్ ఆర్యన్ హీరోగా నటిస్తాడని బాలీవుడు కోడై కూస్తోంది.
నిర్మాత భూషణ్ కుమార్ భూల్ భూలయా 3 సినిమాను ఈ ఏడాదే పూర్తి చేయాలని తొందరగా ఉన్నారట. ఇక ఈ సినిమాకు థర్డ్ సీక్వెల్ కూడా ప్రేక్షకులను మెప్పించేలా సిద్ధం చేస్తున్నారు అని సినీ విశ్లేషకుల నుండి వస్తున్న సమాచారం. కార్తీక్ ఆర్యన్ ఈ సినిమాతో మరోసారి ప్రేక్షకులను ఎంటర్టైన్ చేయడానికి రెడీగా ఉన్నాడు. మరి భూల్ భూలియా థర్డ్ మూవీ ఆశించిన స్థాయిలో ఉంటుందా లేదా అన్నది చూడాలి.
