మనుషుల ఆరోగ్యంపై ప్లాస్టిక్ ఏ విధంగా ప్రభావం చూపుతుంది..?

మనిషి జీవన విధానంలో ప్లాస్టిక్ కాలుష్యం భాగమైపోయింది.. ఇది రోజురోజుకు మరింతగా విస్తరిస్తోంది.. ప్లాస్టిక్ అనేది కేవలం వస్తువులలో మాత్రమే కాదు.. మనుషులు తినే పండ్లు, కూరగాయలలో సైతం ఉంటోంది. ఇంతకూ ప్లాస్టక్ కాలుష్యంతో జరిగే నష్టం ఏంటి..?

ప్లాస్టిక్ కాలుష్యం అనేది మనిషి ఆధునిక జీవన విధానంలో భాగమైపోయింది. రాను రాను మరింతగా విస్తరిస్తోంది. మనం తినే పండ్లు, కూరగాయలలో కూడా ఈ కాలుష్యం ఉంటోంది. మైక్రోప్లాస్టిక్‌లు భూమి అంతటా చేరిపోయాయి. ప్రపంచవ్యాప్తంగా తాగునీటిలో, అంటార్కిటిక్ సముద్రపు మంచులో, లోతైన సముద్రపు కందకాలలో నివసించే జంతువులలో కూడా ఇవి ఉన్నట్లు కనుగొన్నారు. రిమోట్ఏ రియాల్లొని బీచ్‌లు, జనావాసాలు లేని దీవుల బీచ్‌లలో కూడా ప్లాస్టిక్ కాలుష్యాన్ని గుర్తించారు. ఇవి భూమి అంతటా ఉన్న సముద్రపు నీటి నమూనాలలో కూడా కనిపిస్తాయి.మహాసముద్రాల ఎగువ ప్రాంతాలలో దాదాపు 24.4 లక్షల కోట్ల మైక్రోప్లాస్టిక్ శకలాలు ఉన్నాయని ఒక అధ్యయనం చెబుతోంది. అయితే, నీటిలో మాత్రమే కాదు భూమిపై నేలల్లో కూడా అవి విస్తృతంగా వ్యాపించాయి. మానవాళి తినే ఆహారంలో కూడా కనిపిస్తాయి. మనుషులకు తెలియకుండానే వారు తీసుకునే ఆహారంలో చిన్న చిన్న ప్లాస్టిక్ కణాలు ఉండవచ్చు.

ఒక ఎన్విరాన్‌మెంటల్ వర్కింగ్ గ్రూప్ 2022లో అమెరికాలోని దాదాపు 2 కోట్ల ఎకరాల పంట భూమి.. రసాయనాలుగా పిలిచే పెర్ పాలీఫ్లోరో అల్కైల్పదార్ధాలతో మురుగు బురదగా మారిపోయినట్లుగుర్తించింది. ఇవి సాధారణంగా ప్లాస్టిక్ ఉత్పత్తులలో కనిపిస్తాయి. సాధారణ పర్యావరణ పరిస్థితులలో ఇవి నాశనం కావు. మునిసిపాలిటి మురుగు నీటిని శుభ్రపరిచిన తర్వాత మిగిలిపోయేదే ఈ మురుగు బురద. దీనిని నాశనం చేయడం ఖర్చుతో కూడుకున్నది. అయితే, పోషకాలు సమృద్ధిగా ఉండటంతో అమెరికా, ఐరోపాలో బురదను సేంద్రీయ ఎరువుగా ఉపయోగిస్తారు. తరువాతి కాలంలో ఇది యురోపియన్ యూనియన్ ఆర్థిక వ్యవస్థ ప్రోత్సాహకంలో భాగంగా మారింది.. యూరప్ లో ప్రతి సంవత్సరం 80-100 లక్షల టన్నుల మురుగునీటి బురద ఉత్పత్తి అవుతుందని అంచనా. ఇందులో దాదాపు 40% వ్యవసాయ భూములకు చేరుతుంది. కార్డిఫ్ యూనివర్సిటీ పరిశోధకుల అధ్యయనం ప్రకారం ప్రపంచంలోని ఎక్కువగా మైక్రోప్లాస్టిక్స్ ఉన్న ప్రాంతంగా యూరోపియన్ వ్యవసాయ భూమి నిలవనుంది.

భూమి అంతటా ఉన్న సముద్రపు నీటి నమూనాలలో ప్లాస్టిక్ కాలుష్యం కనిపిస్తోంది.. నేలకు సైతం మైక్రోప్లాస్టిక్ ఎలా ప్రమాదకరం..?

ప్రతీ ఏడాది దాదాపు 31 వేల నుంచి 42 వేల టన్నుల మైక్రో ప్లాస్టిక్స్ లేదా 86 ట్రిలియన్ల నుంచి 710 ట్రిలియన్ల మైక్రో ప్లాస్టిక్ కణాలు యూరోపియన్ వ్యవసాయ భూములు కలుషితం కానున్నాయి. బ్రిటన్‌లోని సౌత్ వేల్స్‌లో ఒక మురుగునీటి శుద్ధి కర్మాగారంలో ప్రతిరోజు 1 ఎంఎం, 5 ఎంఎం పరిమాణంలో ఉన్న 650 మిలియన్ల మైక్రోప్లాస్టిక్ కణాలు వస్తున్నాయని పరిశోధకులు కనుగొన్నారు. ఈ కణాలన్నీ మురుగునీటి బురదలో చేరుతాయి. అంతేకాకుండా స్వచ్ఛమైన నీటితో విడుదల కావు. ఇవి మొత్తం బరువులో దాదాపు 1% వరకు ఉంటాయి. వ్యవసాయ భూముల్లో అంతమయ్యే మైక్రోప్లాస్టిక్‌ల సంఖ్య “బహుశా తక్కువే”.. మైక్రోప్లాస్టిక్స్ చాలా కాలం ఉంటాయి.

ఫిలిప్స్ – యూనివర్శిటీ మార్బర్గ్‌ లోని మట్టి శాస్త్రవేత్తలు ఇటీవల జరిపిన ఒక అధ్యయనంలో 34 సంవత్సరాల క్రితం చివరిసారిగా మురుగునీటి బురదను వాడిన రెండు వ్యవసాయ క్షేత్రాల ఉపరితలం నుంచి 90 సెం.మీ. వరకు మైక్రోప్లాస్టిక్‌ లను కనుగొన్నారు. భూమి దున్నడం వల్ల కూడా బురద ఉండని ప్రాంతాల్లో ప్లాస్టిక్ విస్తరించింది. యూరప్ లోని వ్యవసాయభూములపై ​​మైక్రోప్లాస్టిక్‌ లు సముద్ర ఉపరితల జలాల్లో కనిపించే మొత్తానికి సమానంగా ఉంటుంది.. ఒక అధ్యయనం ప్రకారం బ్రిటన్, యూరప్ లు అత్యధికంగా మైక్రోప్లాస్టిక్‌లను కలిగి ఉన్నాయి. ప్రతి సంవత్సరం 500 నుంచి 1,000 మైక్రోప్లాస్టిక్ కణాలు వ్యవసాయ భూములలో చేరుతాయి.

భూమిపై మైక్రోప్లాస్టిక్‌ల పెద్ద రిజర్వాయర్‌ ను సృష్టించడం, మురుగునీటి బురదను ఎరువుగా ఉపయోగించడం కూడా మన మహాసముద్రాలలో ప్లాస్టిక్ సంక్షోభం పెంచుతుంది.. చివరికి మైక్రోప్లాస్టిక్‌ లు జలాల్లోకి వెళ్లిపోతాయి. ఎందుకంటే నేల పై పొరను వర్షం నీరు నదులు లేదా భూగర్భ జలాల్లోకి పంపిస్తుంది. “ప్రవాహాలు, నదులు, మహాసముద్రాలు కాలుష్యానికి ప్రధాన కారణం..

మైక్రోప్లాస్టిక్‌ లు 99 శాతం బురద జల వాతావరణంలోకి డంప్ చేసిన ప్రదేశం నుంచి ప్రవాహాల కారణంగా దూరంగా వెళ్లాయని కెనడాలోని అంటారియోలోని పరిశోధకులు గుర్తించారు. కొట్టుకుపోయే ముందు మైక్రోప్లాస్టిక్‌ లు విషపూరిత రసాయనాలను మట్టిలోకి పంపుతాయి. మైక్రోప్లాస్టిక్‌ లు ఇతర విష పదార్థాలను కూడా గ్రహించగలవు. ఇది వ్యవసాయ భూములపైకి వాటిని వెళ్లడానికి వీలు కల్పిస్తుంది.. పర్యావరణ ప్రచార గ్రూప్ గ్రీన్‌పీస్ బ్రిటన్ ఎన్విరాన్‌మెంట్ ఏజెన్సీ నివేదిక ఒకటి విడుదల చేసింది. బ్రిటన్ వ్యవసాయ భూముల్లో మురుగు వ్యర్థాలు మానవ ఆరోగ్యానికి హాని కలిగించే స్థాయిలలో డయాక్సిన్‌లు, పాలీసైక్లిక్ సుగంధ హైడ్రోకార్బన్‌లు సహా కాలుష్య కారకాలతో కలుషితమై ఉన్నాయని గుర్తించారు. కాన్సస్ యూనివర్శిటీ వ్యవసాయ శాస్త్రవేత్త మేరీ బెత్ కిర్కామ్ 2020లో చేసిన ప్రయోగంలో కాడ్మియం వంటి విష రసాయనాలను మొక్కలు తీసుకోవడానికి ప్లాస్టిక్ వెక్టార్‌గా పనిచేస్తుందని కనుగొన్నారు. “మట్టిలో ప్లాస్టిక్ ఉండి కాడ్మియం ఉన్న మొక్కల గోధుమ ఆకులలో, మట్టిలో ప్లాస్టిక్ లేకుండా పెరిగిన మొక్కల కంటే ఎక్కువ కాడ్మియం ఉంటుంది” అని కిర్ఖమ్ ఆ సమయంలో వెల్లడించారు.

ఈ కాలుష్యానికి కారణం ఏంటి…?

మైక్రోప్లాస్టిక్‌లు వానపాముల పెరుగుదలను అడ్డుకోవచ్చని, వాటి బరువు తగ్గడానికి కారణమవుతాయని పరిశోధనలు కూడా చెబుతున్నాయి. ఈ బరువు తగ్గడానికి గల కారణాలు పూర్తిగా అర్థం కాలేదు.కానీ ఒక పరిశోధన ప్రకారం మైక్రోప్లాస్టిక్‌లు వానపాముల జీర్ణవ్యవస్థను అడ్డుకుంటాయి. పోషకాలను గ్రహించే సామర్థ్యం కూడా వీటి వల్ల పరిమితం అవుతుంది.మట్టి ఆరోగ్యాన్ని కాపాడడంలో వానపాములు కీలక పాత్ర పోషిస్తున్నందున ఇది పర్యావరణంపై ప్రతికూల ప్రభావాన్ని చూపుతుందని పరిశోధకులు అంటున్నారు. మట్టిని వాటి బురోయింగ్ చర్య ద్వారా గాలిలోకి పంపుతుంది. నేల కోతను నివారిస్తుంది, నీటి పారుదలని మెరుగుపరుస్తుంది. పోషకాలను రీసైకిల్ చేస్తుంది. ప్లాస్టిక్ రేణువులు ఆహార పంటలను కూడా కలుషితం చేస్తాయి. ఇటలీలోని సిసిలీ కాటానియాలో పర్ మార్కెట్‌లు విక్రయించే పండ్లు,కూరగాయలలో మైక్రోప్లాస్టిక్‌లు, నానోప్లాస్టిక్‌లు ఉన్నాయని 2020లో నిర్వహించిన ఒక అధ్యయన గుర్తించింది.

యాపిల్స్ అత్యంత కలుషితమైన పండు, క్యారెట్ల తరహా కూరగాయలలో అత్యధిక స్థాయిలో మైక్రోప్లాస్టిక్‌ లను కలిగి ఉన్నట్లు తెలిసింది. నెదర్లాండ్స్‌లోని లైడెన్ యూనివర్శిటీలో పర్యావరణ టాక్సికాలజీ, బయోడైవర్సిటీ ప్రొఫెసర్ విల్లీ పీజ్నెన్‌బర్గ్ చేసిన పరిశోధన ప్రకారం పంటలు నానోప్లాస్టిక్ కణాలను గ్రహిస్తాయి. 1-100 నానో మీటర్ పరిమాణంలో లేదా మానవ రక్త కణాల కంటే 1,000 నుంచి 100 రెట్ల కంటే చిన్న వాటిని నీరు, నేల చుట్టుపక్కల వాటి మూలాల్లోని పగుళ్ల ద్వారా గ్రహిస్తాయి.చాలా ప్లాస్టిక్స్ మొక్కల మూలాల్లో పేరుకుపోయాయని, చాలా తక్కువ మొత్తంలో మాత్రమే రెమ్మల వరకు ప్రయాణిస్తున్నట్లు ఓ పరిశోధన వెల్లడించింది.

పీజ్నెన్‌బర్గ్ పరిశోధన ప్రకారం ప్లాస్టిక్ రేణువులను తీసుకోవడం వల్ల పంటల ఎదుగుదల కుంటు పడలేదు. కానీ, మన ఆహారంలో ప్లాస్టిక్ చేరడం కారణంగా ఆరోగ్యంపై ఎలాంటి ప్రభావం చూపుతుందో స్పష్టంగా తెలియదు. దీన్ని అర్థం చేసుకోవడానికి మరింత పరిశోధన అవసరం.. ప్లాస్టిక్‌ను పర్యావరణం నుంచి పూర్తిగా తొలగించడానికి దశాబ్దాలు పడుతుంది. ప్రస్తుతం ప్రమాదం ఎక్కువగా లేనప్పటికీ.. నిరంతర రసాయనాలను కలిగి ఉండటం మంచిది కాదు. అవి పోగుపడతాయి. ప్రమాదాన్ని ఏర్పరుస్తాయి. ప్లాస్టిక్స్ తీసుకోవడం వల్ల మానవ ఆరోగ్యంపై పడే ప్రభావం ఇంకా పూర్తిగా తెలియదు. ఇది హానికరం అని సూచించే కొన్ని పరిశోధనలు ఇప్పటికే ఉన్నాయి. ప్లాస్టిక్‌ల ఉత్పత్తి సమయంలో వాడే రసాయనాలు ఎండోక్రైన్ వ్యవస్థ, మన పెరుగుదల, అభివృద్ధిని నియంత్రించే హార్మోన్‌లకు అంతరాయం కలిగిస్తాయని అధ్యయనాలు చెబుతున్నాయి. ప్లాస్టిక్‌లో లభించే రసాయనాలు కేన్సర్, గుండె జబ్బులు, పిండం అభివృద్ధి చెందడం వంటి అనేక ఇతర ఆరోగ్య సమస్యలతో ముడిపడి ఉన్నాయి.

బ్రిటన్‌లోని యూనివర్శిటీ ఆఫ్ హాల్ పరిశోధకుల విశ్లేషణ ప్రకారం అధిక స్థాయి మైక్రోప్లాస్టిక్స్ తీసుకోవడం వల్ల కణ నష్టం, వాపు, అలెర్జీలకు దారితీయవచ్చు. మానవ కణాలపై మైక్రోప్లాస్టిక్స్ టాక్సికాలజికల్ ప్రభావాన్ని వెల్లడించే గతంలోని 17 అధ్యయనాలను పరిశోధకులు సమీక్షించారు. ప్రయోగశాల పరీక్షలలో కణాలకు నష్టం కలిగించే మైక్రోప్లాస్టిక్‌ల మొత్తాన్ని తాగునీరు, సముద్రపు ఆహారం, ఉప్పు ద్వారా ప్రజలు తీసుకున్న స్థాయిలతో పోల్చారు. తీసుకున్న మొత్తాలు కణాల మరణాన్ని ప్రేరేపించగల స్థాయికి చేరుకుంటాయని సమీక్షలో గుర్తించారు. అయితే, ఇది అలెర్జీ ప్రతిచర్యలు, సెల్ గోడలకు నష్టం, ఆక్సీకరణ ఒత్తిడితో సహా రోగనిరోధక ప్రతిస్పందనలకు కూడా కారణం కావచ్చు.

1995 నుంచి నెదర్లాండ్స్‌లో వ్యవసాయ భూములపై ​​బురదను ఏర్పాటు చేయడం నిషేధించారు. మొదట్లో దానిని నాశనం చేసింది, అనంతరం బ్రిటన్ కు ఎగుమతి చేయడం ప్రారంభించింది. ఆమ్‌స్టర్‌డామ్ భస్మీకరణ కర్మాగారంలో ఇబ్బందులు తలెత్తడంతో దీనిని వ్యవసాయ భూముల్లో ఎరువుగా ఉపయోగించారు. స్విట్జల్యాండ్ 2003లో మురుగునీటి బురదను ఎరువుగా ఉపయోగించడాన్ని నిషేధించింది. ఎందుకంటే ఇది “పరిశ్రమ, ప్రైవేట్ గృహాల ద్వారా ఉత్పత్తి చేయబడిన హానికరమైన పదార్థాలు, వ్యాధికారక జీవులను కలిగి ఉంటుంది.” వ్యవసాయ భూములు, పంటలు, నీటిపై పర్యావరణ అధికారులు అధిక స్థాయిలో పీఎఫ్‌ఏ‌ఎస్‌ని గుర్తించిన తర్వాత అమెరికాలోని మైనే రాష్ట్రం కూడా 2022 ఏప్రిల్‌ లో దీన్ని నిషేధించింది.. రైతుల రక్తంలో అధిక పీఎఫ్‌ఏ‌ఎస్ స్థాయిలు కూడా కనుగొన్నారు. విస్తృతమైన కాలుష్యం కారణంగా అనేక పొలాలు పక్కన పెట్టాల్సి వచ్చింది. కొత్త మెయిన్ చట్టం మురుగునీటి బురదతో కూడిన కంపోస్ట్ దరఖాస్తు, అమ్మకం, పంపిణీని నిషేధిస్తుంది. కానీ దానిని ఎగుమతి చేయకుండా నిషేధించదు.

అయితే.. మురుగునీటి బురదను ఎరువుగా ఉపయోగించడాన్ని పూర్తిగా నిషేధించడం ఉత్తమ పరిష్కారం కాదని విశ్లేషకులు అభిప్రాయపడుతున్నారు.. ఇటలీ, గ్రీస్ వంటి కొన్ని యూరోపియన్ దేశాలు ల్యాండ్‌ఫిల్ సైట్‌లలో మురుగునీటి బురదను పారవేస్తాయని పరిశోధకులు గమనించారు. అయితే, మైక్రోప్లాస్టిక్‌లు అక్కడి నుంచి పర్యావరణంలోకి ప్రవేశించి చుట్టుపక్కల భూమి, నీటి వనరులను కలుషితం చేసే ప్రమాదం ఉందని వారు హెచ్చరిస్తున్నారు.. విల్సన్, డానోపౌలోస్ ఇద్దరూ వ్యవసాయ భూములపై ​​మైక్రోప్లాస్టిక్‌ల పరిమాణాన్ని, పర్యావరణ, ఆరోగ్య ప్రభావాలను లెక్కించడానికి మరింత పరిశోధన అవసరమని చెప్పారు. “మైక్రోప్లాస్టిక్‌లు ఇప్పుడు కలుషితం నుంచి కాలుష్య కారకంగా మారే దశలో ఉన్నాయి.

మైక్రోప్లాస్టిక్ లతో మనుషులు, నేలకు ప్రమాదకరం.. భూమి దున్నడం వల్ల కూడా బురద ఉండని ప్రాంతాల్లో ప్లాస్టిక్ విస్తరించింది. అధిక స్థాయి మైక్రోప్లాస్టిక్స్ తీసుకోవడం వల్ల కణ నష్టం, వాపు,అలెర్జీలకు దారితీయవచ్చు.