ప్రముఖ నటుడు ప్రభు అస్వస్థతకు లోనయ్యారు. గత కొంత కాలంగా అనారోగ్యంతో బాధపడుతున్న ఆయన చెన్నై కోడంబాక్కంలోని మెడ్వే ఆస్పత్రిలో చేరారు. తమిళ చిత్రపరిశ్రమకు చెందిన ప్రభు కొద్ది రోజులుగా కిడ్నీ సంబంధిత సమస్యలతో బాధపడుతున్నారు. ఇటీవల సమస్య ఎక్కువ కావడంతో ఇబ్బందులు పడ్డారు. నడుం నొప్పి ఎక్కువ కావడంతో కుటుంబ సభ్యులు ఆసుసత్రికి తీసుకెళ్లగా ఆయన కిడ్నీలో రాళ్లు చేరినట్టు వైద్యులు గుర్తించారు. వీటిని లేజర్ సర్జరీ ద్వారా కరిగించినట్టు వైద్యులు తెలిపారు. ప్రస్తుతం ఆయన ఆరోగ్యం మెరుగపడుతుందని, ఎలాంటి ఆందోళనక్కర్లేదని పేర్కొన్నారు.
తమిళ నటుుడు నడిగర్ తిలగం శివాజీ గణేశన్ కుమారుడుగా వెండితెరకు పరిచయమైన ప్రభు ఆ తర్వాత తన ప్రతిభతో సినిమా పరిశ్రమలో రాణిస్తున్నారు. పాన్ ఇండియా స్టార్ ప్రభాస్ నటించిన “డార్లింగ్” మూవీలో హీరో తండ్రిగా ప్రభు నటించారు. అలాగే, సూపర్ స్టార్ రజనీకాంత్ నటించిన “చంద్రముఖి” చిత్రంలో జ్యోతికకు భర్తగా నటించారు. తాజాగా విజయ్ నటించిన “వారసుడు” చిత్రంలో ఒక డాక్టరుగా కనిపించారు. ఆయనకు తమిళ్ తోపాటు తెలుగులోనూ అభిమానులు ఉన్నారు.
